NBA season thara khel tha tak, vawi 15 zet chak zawn tawh Cleveland Cavaliers an tlawm ve ta nge nge. Cavaliers hian nilai zinga an khingpui Boston Celtics an hneh lo. Nilaini zinga inkhel dangah lakah Los Angeles Lakers in hnehna an chang ve thung.
Sean tharah vawi 15 zet chak zawn a, NBA season tharah vawi 15 chak zawn thei palina Cleveland Cavaliers hian champion lai Celtics lakah bul an tan chhe hle. Quarter hmasa berah point 6 in hnufual zawk an ni phawt a. Quarter hnihnaah an khel chhe leh zual a, point 11 in an hnufual zui leh a. Point 17 zeta hnufual zawk chungin chawlhlawk an hmang.
Chawlhlawk hmain khel chhe viau mah se Cavaliers hi chawlhlawk hnu lamah an khel tha ta viau thung a, quarter hnuhnung pahnihah chungnung zawk an ni ve ve. Quarter thumnaah point 12-a chungnungin an inkar an tizim viau a. Quarter hnuhnung berah an khingpuite lehthal ngei tumin tan khawh nasa viau mah se point hnih bakin an chungnung thei lo va. Champion lai Celtics hi point 3 in an umphak lova, point 117-120 in tlawm zawkah an tang ta a ni.
Cavaliers chak tluang lai an tihtawp tum hian Celtics tan Jayson Tatum a khel tha a, point 33 a thawhchhuah bakah ball sawhlet vawi 12 a nei. Cavaliers tan hian Evan Mobley chuan point 22 thawkchhuakin, ball sawhlet vawi 11 lai dawng tling bawk mah se an team tlawm tur a chhanhim zo chuang lo.
Nilaini zinga inkhel dangah Los Angeles Lakers chuan an khingpui Utah Jazz chu point 124-118 in an hneh a, vawi ruak an chak zawn ta chiah. LA Lakers tan hian an player thar Dalton Knecht chuan point 37 zet a thawkchhuak a, hei hi NBA-a point a thawhchhuah tam ber tum a ni.
Nilai zinga inkhel dangah Denver Nuggets chuan an khingpui Memphis Grizzlies chu point 122-110 in an hneh ve bawk.
Cavaliers an tlawm ve ta
Get real time updates directly on you device, subscribe now.
Prev Post
Next Post