Centre chuan January 18 khan Lieutenant Governor versus Aam Aadmi Party te inkhinna hearing neih ni tawp berah thubuai chu Bench lian zawk judge pasarih awmna ngaihtuah tura ti tura a ngen avangin Supreme Court a barakhaih hle.
-- Advertisement --
“Tichuan National Capital hi rorel mumal lote kutah kan dah vek ta tia history-in min hriat reng loh nan” tiin Solicitor General Tushar Mehta, Centre aiawha ding chuan five-judge Bench Chief Justice of India D.Y. Chandrachud kaihhruai chu a ngen a ni.
Centre hian oral arguments a neih zawh tukah Constitution Bench ngaihtuah tur hian a thlen zui a. Mehta hian senior advocate Delhi sorkar aiawha ding A.M. Singhvi an thukharna a neih dawn chiahin ngenna a siam a ni. Bench chuan case chu Singhvi an chhanna siama court chuan Delhi sorkar leh Centre te thuneihna chiang takin a thliar hran a ngai a, Centre khawih phak loha siam a \ul a tih hnuah judgement la siam turin a ti zui a ni.
“A tir phatah Bench lian zawkin ngaihtuah in duh chuan i ngen tur zawk a nia, in sawi reng reng lova. Ngen ula chuan he case hi kawng dangin kan ngaihtuah ang chu. Singhvi an chhanna a siam tawh hnuah chuan engmah in sawi thei tawh lo. Niminah te khan he case hi chingfel daih thei tawh tur kan ni” tiin Chief Justice Chandrachud chuan Mehta an Bench lian zawk ngaihtuah tura a ngenna chu mak tiin a chhang a ni.
Mehta chuan a duh zawng chu phek hnih lek an \anna point thehluh a nih thu a sawi a. He case hian ‘Union leh Union territory inkara federalism issue a khawih vang a ni’ a ti a. “Point hrang hrangte hi ‘reference’ thumal tel miah lovin kan inhnial a ni” tiin law officer chuan a sawi bawk a.
He case ngaihtuah ni tawp berah hian Centre chuan Constitution Bench atangin zawhna khirh tak tak chhan tur a nei a, chung zinga pakhat chu Chief Justice Chandrachud an ‘National capital hi Centre duhdan ang hlira enkawl tur a nih si chuan Delhi a mipui thlan sorkar a awm a tulna eng nge awm’ a tih chu a sawi.
Singhvi chuan Mehta an ‘reference’ ngenna a siam chu Centre-in ‘inlambun’ an kalpuina tiin a sawi a.
“He case hi Supreme Court-ah kum khat chungin tum 10 tal ngaihtuah a ni a. Chungah te chuan tum khat mah Centre-in Bench lian zawk ngaihtuah tura reference \ul tih an sawi lo. An dawngdah tactic a ni” tiin Singhvi chuan a sawi ve thung a.
“Dawngdah a ni lul lo. He ram capital chungchang hi a ni a. Ka thian (Singhvi) hi a hmanhmwh lutuk deuh a, keini (Centre) chuan nakin hun kan thlir a ni,” tiin Mehta chuan a chhang let a.
Singhvi chuan Centre-in ‘phek hnih leh’ point of reference a tih chu phek 150 vel lai a nih zawk thu sawi bawk a.
“Capital mantra hi kan sawi nawn awn awn reng thei lo. Capital chu a ni ngei a, capital democracy anga legislature nei a ni a. Chhanna siam tawh hnua Bench lian zawk ngaihtuah tura dah chu thil la awm ngai lo a niang,” tiin a sawi.
Court erawh chuan Centre chu point of reference note an pek a phalsak thung a.
Centre leh Delhi sorkarte hi National Capital a civil servant te laka thuneihna chungchangah an inkhing a. Court-in hearing a neih mek lai pawh hian Lieutenant General chet dan duh lova lungawilohna court pawnah neih a ni bawk a, hei hi Centre chuan remchangah lain Kejriwal sorkar chu lemchan thil kalpuiah an puh bawk.
Delhi-a administrative service thunun chungchanga inhnialna hi Arvind Kejriwal sorkar leh Central sorkar ten hun rei tak an kalpui tawh a ni.
Centre chuan Lieutenant Governor kaltlangin Delhi sorkar hmalakna chu dang \hina puh a ni a. Tunah pawh Delhi sorkarin zirtirtu rual Finland-a training tura tirh a tum chu LG-in a dan avangin lungawilohna nasa tak a thleng a. Chief Minister Arvind Kejriwal hovin minister leh AAP MLA te chuan LG chenna panin kawng an zawh phah tawh a ni.