CEO-in inthlan inbuatsaihna enpui

Chief electoral officer Madhup Vyas chuan MLA inthlanpui neih tura Saitual district inpuahchahna enfiahin Ningani khan a tlawh a. District election officer Dr Lalngura Tlau chuan lo dawngsawngin an inpuahchahna a lo hrilhfiah.
MLA inthlanpui atana district inpuahchahna chu lawmawm a tih thu chief electoral officer hian a sawi a. Inthlan felfai taka kalpui a nih theihna’n ruahmanna fel tak neih a tul, tiin, mipuiin zangkhai taka vote an thlak theih chu a pawimawh hle tih a sawi a ni. Vahvelna leh venhimna uluk taka kalpui a nih theihna’n theihtawp chhuah turin district election official-te a hrilh bawk.
Saitual district hian district a nih angin MLA inthlanpui a hmachhawn vawikhatna tur a ni a. MLA constituency pathum – Chalfilh, Tawi leh Lengteng a awm a ni.