Champhai Dist. an champion
Mizoram Volleyball Association (MVA) 19th Inter District Volleyball Championship 2023 chu March ni 31, Zirtawp zan khan zawh fel a ni a. Mipa lamah Champhai Distric an champion a, hmeichhe lamah Lunglei Distric an champion.
Mipa final-ah a tlengtu Champhai Distric leh Serchhip Distric te an inhmachhawn a. Champhai hian 3-1 : 25-19, 25-12, 24-26, 25-18 a hnehna changin an champion. Hmeichhe lamah hian hahdam ang reng takin Lunglei an champion ve thung.
19th Inter District Volleyball Championship 2023 neih zawh takah Malsawmtluanga, Champhai District chu Best Spiker-ah thlan a ni a. Lalnunzira, Champhai Distric chu “Best Setter-ah thlan a ni bawk.
Mizoram Volleyball Association (MVA) 19th Inter District Volleyball Championship 2023 hi March ni 27 atanga ni 31, 2023 chhungin Champhai Kahrawt Field-a volleyball court pahnihahte chhun leh zana khelh a ni a. Tun tum hi Champhaiin District huap volleyball inelna a thlen tum hnihna niin, District zawng zawngte an tel kim thei a, mipa team 11 leh hmeichhe team 9 te an tel a ni.
Champhai Dist. an champion
Get real time updates directly on you device, subscribe now.
Prev Post
Next Post