Champhai district-a duty turte chhuak ang

November 7-a inthlan turah Champhai district-a duty tur polling party-te chuan vawiin – November 6 hian an duty-na hmun an pan dawn.
Champhai district-ah hian polling station 84 a awm a. Polling party-te phur tur hian bus 6 leh maxi cab 71 ruahman a ni. Polling station hlaa duty turte an chhuak hmasa anga, khawchhunga duty turte chawhnu lamah an chhuak ang.
Kumin inthlanah hian Champhai district-ah a vawikhatna atan polling station tinah (hmeichhe hlang duty-na Pink Polling Station 6 tiam loin) armed police an duty tel dawn a. He hmalakna hi venhimna lama hlauhthawnawm a awm vang niloin, inthlan kaihhnawihah venhimna tha zawk neih a nih theihna’na hmalakna a ni.
Armed police duty tel tur hian Police Headquarters (PHQ) Mizoramah phalna lak niin, 2nd IR Bn Khawzawl atangin duty tur hi an kal a ni.