Champhai MZP-in chhunzawm dawn

Govt. Champhai College-a Political Science leh Economics department zirtirtu indaih lohna hnawhkhat tura sawrkar an kar meknaah Champhai MZP chuan na zawka kar tumin sawrkar pisa bakah a hmaa an tih tel loh, bank hrang hrang pawh an pisa kai tur dan an tum a. Zirna in ho erawh an dang dawn lo.
MZP Hqrs Champhai thuchhuak chuan, sawrkarin a thil tum a sawi, tun maia hnawhkhah a harsat thu a sawi chu, sawrkar dinhmun ngaihtuah pui chuan an hrethiam a. August tha chhunga Mizorama college hrang hrang zirtirtute rualkhai taka siamrem a tum chu ngaihchan tha a tih rualin, he zirtirtu siamrem tumah hian Govt. Champhai College-a zirtirtu indaih lohna – Political Science leh Economics department chu hnawhkhah sak ngei a nih theih nan thu delhkilh tura an ngenna chu sawrkarin a tih sak thei lo tih a sawi.
Hei vang hian August 7 ah pawh lungawilohna lantir chhunzawmin, sawrkar pisa bakah bank hrang hrang pisa kai tur an dang dawn a. Zirna in leh OPD bakah tul bik thil (emergency/urgent) judicial magistrate /judge te tih ngai awm chu a huam dawn lo tih a sawi.