Champhaia pneumonia hluar tih ziaawm tumin hma la

Champhai leh a chhehvela pneumonia hluar chu Health & Family Welfare department chuan tih ziaawm tumin beihpui a thlak mek.
Thudawn danin, tunhnai hun reilote chhung khan Champhai leh a chhehvelah hian pneumonia hmuhchhuah engemawzat an awm a, a tam zawk hi naupang an ni. Mi 1100 chuang naupang damlo enkawl zinga 700 vel chu pneumonia an ni tih hmuhchhuah an ni a, he natna thihpui hi 10 chuang an awm tawh a ni.
Hetianga hun reilote chhunga pneumonia natna kai leh thihpui an awm avang hian chief medical officer office Champhai chuan tihrem tumin hma a la a, kar kalta atang khan Champhai District Hospital-ah awareness campaign a kalpui bakah khaw tinah health worker leh ASHA-ten screeing an nei a, thla tawpah chuan zawh hman beisei a ni.
Pneumonia kai hmuhchhuah hi a tam zawk naupang ni mah se, puitlingah pawh he natna kai leh thihpui an awm tho a, District Hospital ah hian khum a indaih loh avangin private damdawi in lamah pawh admit an awm nual nia sawi a ni bawk.