Champhaiah Pollution Testing Centre siam thar a ni a, Inrinni khan district bawrhsap James Lalrinchhana’n a hawng.
-- Advertisement --
Bawrhsap chuan lirthei khalhtute chu mawhphurhna an neihte hriaa himna tura pawimawhte zawm tur leh, fimkhur leh hawihhawm taka lirthei khalh thin turin a chah a. District chhunga lirthei khalhtute chu pollution certificate nei theuh tura chahin, “Kan himna tur leh boruak a lo thianghlim zawkna tura sawrkar hmalakna hi kan thlawp a ngai a ni,” a ti.
Dilna hawna zirchian a nih hnu ah sawkar chuan RD Pump New Champhai chu 2022 December 19 khan Pollution Testing Centre atan a thlang a. A enkawl dan turah hian build, own, operate (BOO) behchhana inremna siam niin, hemi atan hian kum hnih chhung atana thawhdunna thuthlung (MoU) ziah a ni.
Transport department Champhai chuan lirthei khu endikna khawl – smoke emission analyser petrol engine leh diesel engine pakhat ve ve, computer set leh tul dang an kawllaite chu authorised testing centre atana ruat RD Filling Station kutah hian a hlanchhawng a, a enkawl zui leh tul ang buaipui chu an kutah a awm tawh dawn a ni. Rokhawlhna engemaw thleng avanga pollution test kalpui theih tawh loh anih chuan hmanruate department kutah hlanlet leh tur a ni.
Pollution certificate neilote hi MV Act Section 190 Sub-section 2 hmangin thla thum lungin tan tir emaw Rs 10000 thlenga chawitir theih an ni.