Champhaiah rulhut hlo pe tha

Champhaiah rulhut hlo pe tha
Naupangin rulhut an pai lohna tura rulhut hlo pek beihpui thlaknaah kumin February-a a thawhkhatna kalpui chu Champhai district-a pek tur chin bituk atangin zaa 97.97 hnenah pek a ni.
Kum 1 atanga 19 inkarten rulhut an pai lohna tura rulhut hlo pek beihpui leh rulhutin a nghawng tha lo inhrilhhriatna – National Deworming Day (NDD) 2023 thawhhnihna August 10-17 chhunga hman tur ngaihtuahin Champhai District Level Coordination Committee on NDD chu an chairman, district bawrhsap James Lalrinchhana kaihruaiin Zirtawpni khan an thukhawm.
Thutkhawma report danin, kumin February-a NDD 2023 thawh khatna hmanah rulhut hlo – Albendazole tablet naupang 51544 hnenah pek niin, target atangin 97.97% pek an ni.
NDD 2023 thawhhnihna kalpui tur khuhhawnna chu August 10 hian GM Higher Secondary School Champhaiah hman nise, an ti a. Hemi ni atang hian rulhut hlo ei runpui tan nghal ni se, ei tura tinzawnten an ei vek theihna’n leh hmaih an awm lohna’n thualnawnna – mop up day chu August 17-a neih tum a ni.