June 21 khan Champhaiah sarthi in mi pahnih an thi.
Mizoram Cooperative Apex Bank Champhai Branch-a security duty R Vanlalrinawma (30) s/o R. Thantluanga (L), Champhai Vengthlang chu June 21 khan a duty-naah ama silaiin a inkaphlum.
Thudawn danin Nilaini khan Apex Bank Champhaiah hian security atan R Vanlalrinmawma leh PC Lalrinpuia te duty ni a ni a, PC Lalrinpuia hi thleng hmasa zawkin, Vanlalrinawma hi a rawn thlen hlimin duty-te chawlh hahdamna pindanah lutin midang nen inbia anga insawiin tihbuai a duh loh thu a sawi a, a chhuahsan hnua a thianpa in a va en leh chuan Bible a lo chhiar a, a chhuahsan leh atanga minute 5 liam hnu velah silai puak an hre zui ta mai a ni. Nidanga Vanlalrinawma hi rilru lama buaina a neih awm hriat a ni ngai lo.
Vanlalrinawma hian a duty-naah hian ama silai, ulhbun tantawi a keng thin a, a silai hmang hian a khabe-ah a inkap niin Champhai Police-te chuan an sawi. District Hospital panpui nghal ni mah se, a hliam tuar lo in chawhnu dar 1:00 velah a thi a ni.
Nilaini chawhnu dar 2.30 vel khan Champhai Venglaia cheng Lalrindika (34) h/o Nikhumthangi chu an in bul kawrah chesualin feet 40 vel a tawlh thlak hnu ah a lu sawhnaa hliam tuar loin chawhnu dar 2.40 velah a thi a ni.
Champhaiah sarthi pahnih
Get real time updates directly on you device, subscribe now.
Prev Post
Next Post