Aizawl South III bialtu MLA Prof F Lalnunmawia chuan a bial chhung Melthum leh Hlimen atanga kumin HSLC & HSSLC exam a pass-te lawmpuina June 20 zana huaihawt chu a hmanpui.
MLA chuan kumin HSSLC exam-a Arts stream-ah Hlimen atangin topper bakah midang tha tak taka pass an nei chu ropui a tih thu a sawi a. Central service leh state civil service bakah hna tha tak thawk thei turin an tlin lohna tur bik a awm loa, tun atanga kum 7/8 velah chuan an bial atangin officer engemawzat an neih belh ngei a beisei tih a sawi.
Sawrkar hna chauh nilo, sumdawnna leh mahnia eizawnna bul tan chhoh lamah pawh hlawhtling tur chuan taimak leh remhriat a ngai a, mahni tui zawng hriatchian a tul tih a sawi a. Zirlaite chu tun atanga nih tum mumal tak nei tura chahin, hriselna tichhetu ruihhlo, zuk leh hmuam laka inthiarfihlim turin a chah.
MLA-in pass tharte lawmpui
Get real time updates directly on you device, subscribe now.
Prev Post
Next Post