Che Guevara mantu Gary Prado Salmon thi

Bolivian general hlui leh Cuban revolutionary Ernesto “Che” Guevara mantu national hero a ngaih chu kum 84 mi niin a thi.
Kum 1967 khan Gary Prado Salmon kaihhruaia Bolivia a military operation neih US secret service agents tena an thlawp chuan communist helna Che Guevara kaihhruai chu an hneh a ni.
Khatih lai khan Bolivia chuan right-wing sorkar a neih lai a ni a. Army officer te chuan Argentina a piang Guevara hi an man tukah an tihlum nghal a ni.
Khatih lai khan US leh Soviet Union chu an inbakkaih vanglai niin Cold War vanglai a ni a, Latin America a communist boruak len vanglai a ni a, khatihlai khan Che Guevara chu langsar ber a ni.
Kum 1959 revolution hlawhtlin hnuah Cuba a chhuahsan a, ram danga guerilla movemnet kalpui turin a kal a ni. Cuban communist lader Fidel Gastro nena inhnimhnai em em niin hnuah pawh Fidel Gastro chu khawvel hmun tina communist te hero a ni zui zel a ni.
Gen Prado fapa chuan a pa chu ‘mi danglam’ tia sawiin ‘hmangaihna, integrity leh huaisenna a khat’ tiin a sawi.
Bolivian officer Che Guevara kaphlumtu chu Mario Teran a ni a, nikum khan a lo thi tawh bawk.
Guevara guerilla group te an lambun hnuah Gen Prado chu Bolivian miloitary regime a humhim avangin national hero a ngaih a ni a.
Gen Prado hian US a training la Bolivian Rangers te chu ram hnuai pilrilah Che Guevara group te mi 120 vel lai an tlem ber lai 22 vel lek an awm laiin an luhchilh a ni.
Kum 1981 atang khan Gen Prado chu wheelchair hmangin a awm tawh a, a hnungah silai muin a fuh avangin mahnia ding thei loin a awm zui a ni. Kum 1967 khan ‘How I Captured Che’ tih lehkhabu a ziak nghe nghe.
A fapa chuan ‘Che man chu a nuna a thiltih pawimawh ber a ni lo, democratic institution a armed forces te chu constitutiona leh law te zah a nih theih nana thawk nasa a ni’ tiin a sawi.
Che Guevara kha Bolivian village La Higuera, La Paz chim lam 830 km vela hlaah kahhlum a ni a, a phumna pawh thuhrukin a awm zui a. Kum 1997 khan a phumna hmun chu hmuhchhuah niin Cuba-ah a ruhro lak niin phum that lehin a awm a ni.