Chelsea leh Pochettino an inrem

Chelsea leh Pochettino an inrem
Manager nghet nei lova awm mek Chelsea chuan an manager thar ni turin Tottenham manager hlui Mauricio Pochettino an dawr fel.
Season kal meka chhe chhe tak, manager pahnih ngawt ban hman Chelsea hi an manager hlui Frank Lampard-a’n manager lailawk niin a enkawl mek a, inrinni zana an mikhual Nottingham Forrest an hneh zawh loh vangin 11-naah an awm mek. Bazar nan sum tam tak seng chunga hlawhtlinna an chan zawh loh vangin an manager Graham Potter an ban. Potter hmunruak luahtu tur hi uluk takin an zawng a, Tottenham leh PSG manager hlui Pochettino an dawr fel ta a. Pochettino hian nipui bazar inhawn rualin a club thar Chelsea hi a enkawl tan ang.
Chelsea manager thar tur Pochettino hian Southampton a enkawl hnuin kum nga chhung ngawt Tottenham a enkawl a. Tottenham hi champions League final a hruai thleng hial. Tottenham a chhuahsan hnuin French Ligue club lian Paris St-Germain a enkawl zui leh. PSG a chhuahsan hnuin a club hlui Tottenham ah kir leh tur angin sawi a ni a. La Liga club lian Real Madrid nen sawizawm an ni bawk. Club lian tak tak nen sawizawm an nih laiin London club lian, hausa thar hluai Chelsea enkawl a thlang ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More