Chelsea leh Spurs an chak zo lo

Chelsea leh Spurs an chak zo lo
Inrinni zan khan English Premier League 2022-23 khelh chhunzawm niin, inkhel panga a awm a. Team liam Chelsea leh Tottenham ten hnehna an chang zo lo ve ve.
London club lian Chelsea hian Stamford Bridge-ah table hnuai lama awm Everton an mikhual a. An mikhual lakah tum hnih hma hruai bawk mahse a hmahruaina an humhim thei lo ve ve a. Everton nen hian 2-2 in an inhnehtawk.
Tunhnaia chak thiam thar Chelsea hian Everton lakah goal an thun lawk thei lova, minute 52-naah loan-a an hawh mek João Félix chuan hmahruaina goal a thun thei chauh. Felix goal thun vang hian an phur a, chak theihna hun tha tak an nei. Team lian zawk lakah goal chhuah hmasa mah se Everton an buai mai lo va, minute 69-naah Abdoulaye Doucouré chuan goal thunin an si phurh a sut. Goal an chhuah hnuin Blues hian goal an thun belh leh thuai a, minute 73-naah Kai Havertz chuan penalty pet goal in hma an hruai nawn lehna goal a thun. Si phur nawn leh mahse Toffees a beidawng duh chuang lova, minute 89-naah Ellis Simms chuan goal thunin an si phurh a sut a. Chelsea lakah tlawm pumpelhin, point hlu tak an hmu.
Inrinni zana inkhel dangah Tottenham chuan St Marr’s stadium-ah Southampton an hmachhawn a. Table mawngphaha awm nen hian 3-3 in an inhnehtawk.