Chhan hriat loha journalist thi tamnaah India tel

ndia chu chhan hriat lohva chanchinbumi an thih tamna ram zingah a lang leh ta a. Committee to Protect Journalists (CPJ)-in an zirchianna an tihchhuahah hei hi tar lan niin kum 11 chhung zet chu India ram hi chanchinbumite tana ram him lo zinga a telna a ni ta.
Report-ah hian India hi chanchinbumite tana ram him lo 14-naah a awm a, chanchinbumi 18 zet chu an thihchhan hriat mumal lohvin an awm nia tar lan a ni.
He list-ah hian Somalia chu hmun him lo bera ngaih niin ram 14 an lang a. Ram dang langte hi Somalia, Syria, Iraq, South Sudan, Philippines, Afghanistan, Mexico, Colombia, Pakistan, Brazil, Russia, Bangladesh leh Nigeria te an ni.
He tehna (ranking) hi a chhan hriat lohva journalist thi zat leh an rama mihring cheng zat percentage atanga chhut niin, an thih chhan hriat mumal loh chanchinbumi 5 leh a aia tam awmna ramte chu committee hian a chhui zui bik a. An tehnaah hian inbeihna leh lungawi lohna lantirna hmuna kala nunna chân chanchinbumite an chhiar tel lo thung.
Heti a ni chung hian India ram chu chhan hriat loha journalist thi tamna zingah a la tel pha tho a ni.