Chhiah hmu tha, kum nga chhungin pung

Taxation department-in tun hnai kum nga chhungin chhiah an khawn tha a, hmuh tura beisei (target) aia tam an hmu ziah.Kum liam ta 2022-23 khan an ‘target’ chu cheng vaibelchhe 971 a ni a, cheng vaibelchhe 1,020 an hmu. Tun hnai kum nga chhunga an ‘target’ a san ber tum a ni a, an hmuh hnem ber tum a ni bawk.
Taxation department hian 2018-19, 2019-20, 2020-21, 2021-22 leh 2022-23 te khan a hma kum an khum ziah a, an ‘target’ an khum ziah bawk.
2019-20 khan cheng vaibelchhe 90-in an target a pung a, 18.63%-in an khum. Kum liam ta 2022-23 khan an ‘target’ hi a hma kum aiin cheng vaibelchhe 185-in a pung a, 23.53%-in a pung.
Target leh hmuh zat hi tun hnai kum nga chhungin kum tin a pung; 2020-21 khan cheng vaibelchhe 88-in an ‘target’ a pung a, 15.35%-in a pung. 2021-22 khan cheng vaibelchhe 125-in ‘target’ a pung a, 18.91%-in a pung. Kum kal lai 2023-24-ah hian cheng vaibelchhe 29-in ‘target’ a pung a, thla nga vel chauh a liam tihah 2.93%-in an khum tawh.

Tun hnai kum nga chhunga chhiah hmuh zat

Kum 2018-19 2019-20 2020-21 2021-22 2022-23
Target 483 573 661 786 971
Hmuh 578 667 667 894 1020
(Rs. in crore)