Chhiah lakkhawm tam dan tur rel

Chief minister Lalduhoma kaihhruaiin Centre for Environment & Social Justice hotute leh Taxation department hotute chu Ningani khan an thukhawm a. Chhiah thar siam chuang loa sawrkar sum leh pai dinhmun tha zawk a awm theih nana chhiah lakkhawm tihpun dan turah an inrawnkhawm.
State pawn atanga Mizorama sumdawng bungrua lo lut, Goods & Service Tax pe si lote dap chhuah leh felfai zawka umzui dan tur, Mizorama sumdawnna kalpui zingah GST pe ngei tura ngaih, pe si lo an tam nia langte, GST chu goods (bungruaah) chauh ni lo services-ah pawh lak tur a ni tih te leh; services sector atanga chhiah pe lo an tam si nia a lan thu bakah chhiah lama state hmasawnna tur thildang an sawi. Hmalak zui dan tur ruahmanna pawh an duang a ni.