Thlipui leh ruahsur vanga Zoram hmun hrang hranga chhiatna nasa tak a thleng leh nunna hial chan an awm chuan rilru a ti na a, thinlung takin an tawrhpui tih ZPM president Lalliansawta chuan a sawi.
ZPM Gen. Hqrs. president chuan, kumtin thli leh ruahpui kan tuar thin a, chutih laiin tuna thli tleh leh ruahsurin Zoram hmun hrang hrangah leimin nasa tak thlenin chhiatna leh nunna channa hial a thlen chu pawi an tiin, in leh lo, ranvulh leh nunna hial chan an awm chu rilru a na a, thinlung takin an tawrhpui tih a sawi. Leimin avanga khawkar kawng hmun hrang hrang ping leh veng thenkhat thlanmual a min pawh pawi an tih thu a sawi bawk.
“Khuarel chhiatna kan tawh mek laiin pa ber chan changa chief minister Pu Lalduhoma leh kan minister leh MLA te, chhiatna tawhna hmun pana a tuartute hnem tura rang taka an che chhuak nghal hi lawmawm kan tiin thlamuanthlak kan ti a. Sawrkar atanga lusunte ralna sum hmahruai atan cheng nuai hnih theuh hlan an ni hi lawmawm kan ti a, ralna hnuhnung atan nuai hnih theuh ruahmana siamsak leh an ni hi, mipui lainatna leh hmangaihna atanga chhuak niin kan hria a; sawrkar hmalakna hi lawmawm kan ti hle,” Lalliansawta hian a ti.
Chief minister-in chhiat tawhna hmuna hnatlangte thingpui lumna leh a tul anga hman turin Melthum YMA leh Kanan YMA hruaitute hnenah Chief Minister Relief Fund atangin Rs. 50000 ve ve a hlan pawh a hmalakna chhuanawm an tih thu a sawi bawk.
Chhiatna theng hian rilru a ti na – ZPM president
Get real time updates directly on you device, subscribe now.
Prev Post