China economy-in harsatna nasa tak a tawk mek ti

Tun hnai thlaruk chhungin China economy chuan chanchin lawmawm lo hlir mai a ni a. Economy than a muang a, youth unemployment record a awm a, foreign investment a tlahniam vak a, thawn chhuak tlemin currency hlutna a tlahniam bawk a, property sector crisis a thleng bawk.
US President Joe Biden chuan khawvela economy lian ber chu ‘time bomb puak mai thei’ tia sawiin China ram chhungah lungawilohna a nasa zel a ti.
China leader Xi Jinping chuan chhang letin economy chu ‘fan chak thei, theihna turu tak nei leh pawimawhna thuk tak nei’ tiin a sawi.
A tu nge dik zawk- Biden nge Xi? a chhanna chu an thusawi inkar velah tia sawi a ni. China economy chu puak mai tura ngaih a ni lo chungin harsatna thuk tak a hmachhawn ngei tia sawi a ni.

Property crisis leh hosuehold rethei zel
China economic problem laimu chu a property market tia sawi a ni a. Tun hnai thlengin real estate chu a hausakna hmun thuma thena hmun khat lawih hauhtu a ni.
Kum sawm hnih chhung chu real estate sector hi thang vak vakin mahse kum 2020 atang khan harsatna a tawk tan a. Global pandemic leng leh China a population tlahniam zel chu house building tam tak ding zel te tana bawlhlo tha a ni hauh lo.
China sorkar chuan kum 2008 a US meltdown thleng ang kha a thlen hlauhna neiin hei vang hian developer tena sum an puk theih bituk a siam ta ringawt a, developer te chuan an rulh theih loh billion tel teh meuh leiba an nei a ni.
Tunah house demand chu nasa taka tlahniamin property price a hniam rawih rawih a. Hei vang hian Chinese home owner te coronavirus restriction khauh lutuk kum thum chhung tuartute chu rethei zawkin a siam ta a ni.
“China-ah chuan property hi a nihna takah chuan saving anga ngaih a ni” tiin Alicia Garcia-Herrero, chief Asia economist, wealth management firm Natixis chuan a sawi a. “Tun hnai deuh thlengin sum invest nan chuan stock market emaw a pung tlem chauh awma bank account a dah aia hlawk zawka ngaih a ni” tiin a sawi.
China-ah chuan Western ram te ang lo takin post-pandemic hnuah spending boom emaw major economic bounce back a awm lo tiin a sawi bawk.
“Ngaihdan pakhat awm chu Chinese te chuan zero-Covid hnuah sum an thehchhuak ur ur ang tih a ni” tiin Garcia-Herrero chuan a sawi a. “An zin ang a, Paris ah kalin Eiffel Tower te an lei ang tihte a ni a. Mahse, a nihna takah chuan an saving te chu house price tlahniam lutuk chuan a khawih takzet a, hei vang hian an sum neihsa te chu hum an duh ta zawk a ni” tiin a sawi a. Economist te chuan tuna property crisis China in a tawn mek reh nan chuan hun a la duh deuh dawn an ti bawk.

Economic model duh lo
Property crisis chuan China economy kaldana harsatna awm a tarlang tih a ni bawk. Tun hnai kum 30 chhung chu Chin economy a thang uak uak a, kawngpui atanga, lei leh airport leh chenna In tha leh tam tak sial leh sak ur ur a ni.
Mahse, tunah chuan economist te chuan harsatna a tawk takzet an ti a. Example atana an sawi chu China in building sak vak vak a atchilhna chu Yunan province, Myanmar nena inrina laiah a langsar hle an ti. Kumin hian multi-million dollar Covid-19 quarantine facility sak an la tum tih a ni.
Sum tul lova luan ral tirna mai tur tia sawi niin China chuan a mipui te hnianghnarna turin thil dang a ngaihtuah a ngai zawk tih a ni bawk.
“Inenletna hun kan tawng tawh” tiin Antonio Fatas, professor of economics, business school INSEAD, Singapore chuan a sawi a. “Old model in awmzia a nei tawh lo, kan focus thlak turin a bulthut atanga institutional reforms kalpui a ngai” tiin a sawi.
Entir nan, China chuan financial sector thaa US leh Europe economy te elpha tur chuan sorkar chuan regulation khauh puipui a tihthawl a ngai a, thuneihna tam tak private interest te hnenah a pek a ngai tih a ni bawk.
Mahse, chuti lo zawng chuan thil thleng zawkin Chinese sorkar chuan finance sector nasa zawka thununin “westernised” banker te chu harsatna siamin technology firm lian Alibaba te ang chu a dangchep ta daih zawk a ni.
Chu chuan nghawng neiin China ram pumah youth unemployment nasa in graduate lehkhathiam tak tak te chuan urban areas ah white-collar job tha an hmu zo tawh lo.

Sorkarin eng nge a tih ang?
Economic dinhmun thlak danglam tur chuan political ideology thlak a ngai tih a ni a. Tun hnaiah Chinese Communist Party’s (CCP) chuan nasa zawka thuneihna changin President Xi chuan CCP a thuneihna a neih chu a sawhnghet zual bawk a.
China chu kawng hranga sawi chuan a hlawhtlinna tuartu tih a ni a. Tuna ‘rate of growth’ a neih mek chu a hma kuma growth rate sang tak lakah chuan beitham tak a ni.
Kum 1989 atang khan China growth rate chu kum tinin chawhrualin 9% vel a ni a. Kum 2023 hi chuan 4.5% vel chauh ni tura ngaih a ni. Tla thla hniam tak a ni dawn a, mahse US, UK leh European ram te ai chuan a la sang zawk tho thung.
Western economist te chuan mipuite sum thehchhuah theihna chu an ngaih pawimawh laiin Beijing chuan chu consumerist model chu a hlauthawng thung a. Thehralna mai anga a ngaih bakah a mimal lutuk an ti.
Consumer te TV thar lei a, streaming service emaw holiday a an kal tam chuan economy a tichak mai thei a, mahse, China chuan chung te chu a national security puitu a ni lova US nena an inelnaah puitu a ni lo thung.
Xi chuan growth awm se a duh a, mahse national security himloh phahna tur chuan a remti lo tih a ni. Hei vang hian tun hnaiah cutting-edge industry heng semiconductor, artificial intelligence leh green technology te khawvel huapa China competitive a siamtu chu a khuahkhirhna chhan tia sawi a ni bawk.
China economy tlahniamah sorkar chuan tih a nei tlem tih a ni bawk a. Hmalakna a neih thenkhatah chuan borrowing limits ti awlsam zualin interest rate a tihniam bawk a, mahse, economy siam that nan sum sena investment nasa zawka tih a nei duh lo. Chu tak chu Foreign investor te ngaihthat lohna a ni thung.
Paper-ah chuan China chu growth awm theih nana theihna sang tak nei tih a ni a. Economic powerhouse a ni mai theia mahse average annual income chu $12,850 chauh niin a mipui 40% chu thingtlanga cheng an la ni zui bawk.
Economist tam ber te chuan authoritarian political system chu ‘high-income’ ram te a living standard sang tak leh open economy nei bawk te ang kalh tlat an ti a. Xi chuan governance tha aia ideology a ngai pawimawh zawk emaw pragmatism aia control a thlang zawk zel emaw chuan China hmalam hun chu a eng vak lovang an ti bawk.
Economy a that lai chuan harsatna a awm lo. Mahse, tunah chuan China-in kum thum chhung zero-Covid a paltlang tawh a, mi tam takin hna an nei lova, family home hlutna a tlahniam zel a, a boruak a dang tawh tlat.