China chuan a panda diplomacy chu tharthawhleh tanin San Diego Zoo hnenah giant panda inkawp a hawhtir a. China Wildlife Conservation Authority chuan San Diego mai bakah Madrid, Spain nen cooperation agreement an ziak a, hei bakah hian Washington D.C. leh Vienna, Austria te nen pawh inbiakna an nei mek niin China Xinhua News Agency chuan a tarlang.
Remtihna pek a nih chuan pandas te chuan tun nipui tawp rualin San Diego Zoo an thleng hman dawn niin zoo official te chuan an sawi.
-- Advertisement --
Eng nge panda diplomacy?
Giant pandas te chu central China-a awm niin a bik takin Yangtze River basin a awm an ni a. Heng endemic pandas te hi China sorkar chuan ramk dang te hnenah thian tha tih entir nan emaw soft diplomacy symbol atan a hawhtir thin a, chuvang chuan ‘panda diplomacy’ tih a pianphah a ni.
Panda diplomacy lar chhoh dah?
Panda diplomacy chu kumza bi 20 laihawl leh tawp lam khan a larzual tan a, mithiam thenkhatte chuan kum zabi 7 leh 10 laia China a Tang dynasty rorel lai khan a intan daih tawh an ti a. Chhinchhiah awmah Tang dynasty khan panda pahnih te chu Empress Wu Zetian rorel laiin Japanese court hnenah a pe tih a ni.
China chuan tun hma pawhin US, UK, France leh Japan hnenah pawh Panda a lo pe tawh a, mahse, 1972 kha modern panda diplomacy intanna tak tak anga ngaih niin Mao Zedong rorel lai a ni a. Chinese Premier Zhou Enlai chuan US President Ricdhard Nixon an a tlawh hnuah America a pe a ni. Smithsonian National Zoo, Washington D.C. record dan chuan giant panda pahnih Ling-Ling (a nu) leh Hsing-Hsing (A pa) te chuan April 16, 1972 ah zoo an lut tih a ni.
Kum 1980 tir lam khan China chuan giant panda pek chu a titawp a, pek aiah kum khatah 1 million velin a hawhtir thin ta zawk a ni. Khuahkhirhna khauh tak siam ni bawkin an awmna tur infrastructure tha buatsaih bakah no an neih chuan China hnena pek let tur a ni tih te pawh a tel.
Soft diplomacy piahlam?
Kum 2013 khan University of Oxford chuan panda diplomacy zirchianna an neihah environmental implication thuitak a nei thei an ti a. Entirnana an hman chu December 2011 a Sctoland a Edinburg Zoo in panda nupa an hawh chu a ni a. Inremna siam a nihnaah pawh CHina deputy premier chu inrawlh berin contract value 2.6 billion pound chuang hu sector hrang hrang petrochemical leh renewable energy technology, salmon meat leh Land Rovers te thlengin a tel nuai a ni.
Zirchianna chuan panda diplomacy Canada, France leh Australia te nena siamah pawh China nena uranium deal leh contract te a tel a ti bawk.
Thil awm thei?
November 2023 khan Chinese President Xi Jinping leh US President Joe Biden tena inhmuhna vawikhat an neihnaah Xi chuan an ram chuan US ah panda a hawhtir leh mai theih thu a sawi a ni.
“Kan phur hle a, kan beisei a sang bawk” tiin Megan Owen, San Diego Zoo Wildlife Alliance member leh Wildlife Conservation Science vice president ni bawk chuan a sawi a. “San Diego Zoo a bul tanin panda cooperation kalpui lehah phurna nasa tak a awm a ni,” tiin a sawi.