China-in Patriotic Education Law siam

China sorkar chuan naupang te leh an chhungkua ten ram tana an theihna leh rilru te an hlan tak tak theih nan naupang rilru ah ram hmangaihna tak tak rilru tuh an tum a, hemi atan hian naupang zirlai-ah patriotic education tih chak nan national law chu October 24 khan an siam thar tih chanchinbu mite chuan an sawi.
China sorkar thupuangtu Xinhua chuan Patriotic Education Law chu China-a rorel khawl Standing Committee of the National People’s Congress chuan a passed tih a sawi a ni.
Mi thenkhat chuan “eng nge ram tana pasaltha tih awmzia pawh an hre tawh lo”, “historical nihilism” hi China-ah chuan darh zau ber niin Chinese Communist Party-in thil thleng tawh ngaihtuahin a pawmpui thei ang em tih hi a chianglo a ni, tiin Xinhua chanchinbu chuan a sawi a ni.
He national law hian central leh local sorkar-a department te, school leh chhungkua te chu an tihtur leh mawhphurhna te a ruahman fel vek a, January 1, 2024 ah hman tan tura tih a ni.
China sorkar enkawl nitin chanchinbu-in a sawi danin he national law hian mi chi hrang hrang hmun tina mi te a huam a – sorkar official te, sorkar hnathawk, thingtlang a cheng te leh Hong Kong, Macau leh Taiwan-a cheng te a huam tel dawn a ni.