China in pension kum tisang
China chuan pension kum kum 1950 hnuah a tum khat nan a tisang dawn a, hei hi kum upa tam zel vang leh pension budget tlem zel vang a ni.
China top legislative body chuan blue-collar job hmeichhiate tan pension kum chu kum 50 atangin 55 ah a tisang a, white-collar job a thawk hmeichhiate tan kum 55 atangin 58 ah a tisang thung.
Mipa te pension chu kum 60 atanign 63 ah tihsan a ni thung ang a. China hi khawvel huap pawha pension kum hmang hniam ber ram zingah a tel.
Zirtawpni a ruahmanna pawm fel takah ruahmanna thar chu 1 January 2025 atanga hman tan tur niin kum 15 chhung atana hman tura tih a ni tiin Chinese state media te chuan an tarlang a.
Statutory age thlen hmaa pension erawh remtih a ni dawn lo tiin state news agency Zinhua chuan tarlangin, pension kum chu kum thum aia sei pawhsei theih a ni dawn lo bawk.
Kum 2030 atangin employees te chuan social security system ah pension an dawn that theih nan contribution an pek tam a ngai tawh dawn bawk a. Kum 2039 ah chuan pension an neih theih nan kum 20 vel an hnathawh chhung hu an pek a ngai dawn a ni.
State-run Chinese Academy of Social Sciences te chuan kum 2019 daih tawh khan state pension fund chu kum 2035 ah chuan a ruak mai dawn tiin an lo sawi tawh a, khatih lai khan Covid-19 pandemic len hma niin a hnuah pandemic chuan China economy a nuai na hle zui a ni.
Pension kum tihsan leh pension policy siam that hi mihring dam chen rei lam leh mipui nawlpui hriselna mila her rem a ni a, hei bakah hian level of education leh workforce supply te chu teh nan hman a ni tiin Xinhua chuan a tarlang bawk.
China population chu kum 2023 khan a zawna kum hnih khan naupiang an tlahniam zel a. Chutihlaiin average life expectancy chu 78.2 years ah a chho tawh thung.
Sorkar thuneitute thutlukna siam chuan Chinese internet ah ngaihdan inang lo leh sawiselna a tichhuak nasa hle a. “Tun atanga kum 10 chhungin bill dang retirement tihkhawtlaina tur siam leh a ni ang a, kum 80 thleng hna min la thawhtir mai ang” tiin mi pakhat chuan Chinese social media site Weibo ah a ziak a.
“Kum duhawmlo tak a ni! Middle-aged worker ten hlawh tihtlem an tawk tawha tunah retirement age tihsan a ni leh a. Hna nei lo ten hnathawh tur an hmu thei mai lo bawk” tiin mipakhat dang chuan social media site Weibo ah a sawi bawk.