China-in Taiwan lakah hremna pe ti

Taiwan defence ministry chuan China in Taiwan chhehvel tuipuia sipai nunchan zirna a kalpui chu nataka sawiselin inrunluihna tiin a sawi.
China chuan ‘seperatist’ leh ‘troublemaker’ tia a sawi Taiwanese president William Lai lakluh a nih atanga nithum lekah sipai nunchan zirna hi a kalpui nghal a ni.
China chuan Taiwan main island chhehvel tinah Taipei thunun Kinmen, matsu, Wuqiu leh Dongyin thliarkar hnaihah te sipai nunchan zirna a kalpui a ni.
Chinese People’s Liberation Army PLA( thupuangtu chuan ‘seperatist te chetna’ laka ‘hremna nasa tak lekkawhna’ tiin sipai nunchan zir chungchang a sawi a.
Taipei chuan a sovereignty humhim nan naval, air leh ground forces te inralring a siam nghal tiin defence ministry thuchhuah chuan a tarlang bawk.
China sipai te chuan drill an neih chuan sea-air combat-readiness patrol a thlurbing tia sawiin target pawimawh te thlurbingin sipai ten indona tak taka an theihna tak tak enchhinna a kalpui a ni a ti.
Military analysts te chuan Taiwan thliarkar pawnlam deuh Chinese coast hnaih te chu a tum khat nan military exercise neih nan hian hman a ni an ti bawk.
Taiwanse media te chuan tuna China in sipai nunchan a zirna chu Taiwan run tak tak awm se chu mi atana inpuahchahna tak tak a ni tiin an ziak lang bawk.
August 2022 khan US House Speaker Nancy Pelosi in Taiwan a tlahw duh lovin China chuan Taiwan hual velin milityary exercise a lo nei tawh a, Taiwan luhna tinte chu a lo dangchat vek tawh a ni.
“Sipai nunchan zir hi Taiwan independence forces tena inlakhran an tumna hremna niin pawn lam atanga inrawlh tumna awm thei vauna a ni nghal bawk” tiin PLA te chuan thuchhuah an siamah an sawi a.
Beijing chuan Lai chu ‘inlakhran tum’ leh ‘buaina siamtu’ tiin a lo sawi tawh a. Lai hi Taiwan independence duh brutu a ni bawk.
China chuan Taiwan hi a ram anga a chhal niin mahse Taiwan chuan China atanga inla hrangah a inngai thung.
President atana lakluh a nih hnuah Lai chuan China chu Taiwan vau vau leh tihthaih reng lo turin a ti nghal a. A thusawi chu Beijing chuan haw hle in ‘mualphothlak’ an tihsak bawk.
January thlaa Lai an inthlana chakna a chan hnuah Beijing chuan thuchhuah siam nghalin “Taiwan hi China ram bung a ni” a ti bawk a, Lai an inbiakna neih a sawi chu an hnawl nghal bawk.
Taiwan chuan China chet dan chu ‘militaristic mentality’ tihsakin “Tun hnaiah Chinese aircraft leh indo lawng te chet dan chuan khawvel huapa remna leh muanna nasa takin a tiderthawng a ni” tiin a sawi.
China in sipai nunchan zirna a kalpui mek avang hian Taiwan chu lei, boruak leh tuipui atangin pawh ngaihna a awm lo mek a.
China hian engtianga rei nge sipai nunchan a zirtir dawn tih sawilan a ni lo bawk.