China lirnghing-ah mi 116 chuangin nunna chan tawh

ThawhTanni zan zanlaiah China hmar thlang lama lirnghing na tak avangin mi 116 chuangin nunna an chan tawh a, hliam tuar 220 chuang an awm niin China state media chuan a tarlang.
China thuneitute chuan lirnghing 6.2 magnitude-a na chuan Gansu province a sawi thu sawiin a Thenawm Qinghai pawh a nghawng tel an ti bawk a.
Khawvawt tak karah chhanchhuah hna kalpui niin lirnghinna hmun hi hmun sang lam a nih avangin a vawt hle a. Thawhlehni khan Thenawm Xinjiang pawh lirnghing-in a nuai zui leh a ni.
Xinjiang lirnghing hi 5.5 magnitude-a nâ niin eng nge a tihchhiat emaw hriat chian theih a la ni lo.
Chinese President Xi Jiping chuan Gansu-ah theihtawpa chhanchhuah hna thawh a ni ang a ti a, he region-a China-a region rethei ber niin Jishishan county chu lirnghing hian a nuai nat ber lai nia ngaih a ni bawk.
Gansu hi Tibetan leh Loess plateau inkara awm Mongolia nena inri a ni a. ThawhTanni zan lirnghing hian Linxia Hui Autonomous Prefecture, China a Muslim Hui te administrative region chu a sawi ber a ni.
Chinese thuneitute chuan lirnghing nat lam chu 6.2 tiin an sawi a, US Geological Survey (USGS) te cghuan 5.9 magnitude ti thungin a nghinna Tanna pawh lei hnuai thuk tak 10km ah an ti a. Lirnghin hnuah aftershock Tum 10 a thleng tawh bawk.
Thuchhuah a siamah President Xi chuan ‘Chhanchhuah hna chak leh rang takin theihtawpa kalpui a ni ang a, hliam tuarte pawh Tha taka enkawl an ni ang’ tiin a sawi a. Tualchhung mite pui turin rescue worker te pawh tirh luh nghal an ni a ti bawk.
Thuneitute chuan mipuite chu lirnghinna hmunte pawng tlawh hmasa lova official rescue team te nghak turin an ngen a. Lirnghing vang hian power leh tui supply te pawhin harsatna a tawk nghal bawk a ni.
China hi tectonic plate Eurasian, Indian leh Pacific plate te insikna laia awm niin heng hmunte hi lirnghin duh bikna nia ngaih a ni.
Nikum September thla pawh khan chhimthlang lama Sichuan province chu 6.6 magnitude laia na in nuaiin mi 60 chuangin nunna an chan phah tawh bawk.
Kum 1920 khan Gansu-ah hian na takin lirnghing tawhin mi 200,000 chuangin nunna an chan phah tawh a, kum zabi 20-naa lirnghing na ber tia sawi a ni.