China president in Donald Trump lawmpuina hlan

China president in Donald Trump lawmpuina hlan
China president Xi Jinping chuan Donald Trump chu US president a nih leh tak avangin lawmpuina a hlan a, hnam pahnihte chuan inremna tluantling an neih ngei theih nana hma la turin a ngen zui bawk.
Ningani khan Xi chuan China-US inlaichinna chu a nghetin a dik thlap thu a sawi a, khawvel ram thiltithei ber an nih dun avangin inzahtawnna leh remna kawng dik an zawh dun zel a beisei thu a sawi.
Inhmuhthiam loh leh inhmelmakna thleng palh thei reng an nih thin avangin Xi chuan president thar nen chuan mumal taka inbiakna neih dun thuai a duh thu a sawi bawk.
Sumdawnna leh an mite venhim kawng bakah Taiwan leh South China sea thlenga buaina tawk dun an nih avangin ram pahnihte hi an inngur nasa thin hle a, hemi chungchangah hian Xi leh president ni lai Joe Biden te chuan nikum November thla khan inbiakna lo nei tawhin, hei hian rah tha tak a lo chhuah tawh a ni. Xi chuan hemi vawnhim leh chhunzawm zel hi US president thar pawh hian lo tuipui se a duh thu a sawi bawk a ni.