Lirthei chhungah ruang 11 hmuchhuak

Lirthei chhungah ruang 11 hmuchhuak
Mexico khawthlang lam khawpui pakhata tharum thawhna chhuak kal zelah lirthei pakhat atangin ruang 11 hmuhchhuah a nih thu thuneituten an sawi.
He thil hmuhchhuahna hmun hi Guerrero state-a Chilpancingo khawpuiah a nih thu an sawi a, thla hmasa mai khan an mayor pawh rapthlak takin a hna bang haw lam an lo tihlum tawh bawk a ni.
Heng thiltute hi tutenge an nih hriat a la ni lo a, he lai bial thuneitu sang chuan tualthah thubuai dik tak a nih avangin a titute chu zawnchhuah ngei an nih tur thu a sawi.
Guerrero hi Mexico ram chhungah rau rau pawh tharum thawh nasat berna zinga mi a ni hrim hrim a, Pacific tuipui kam hnaih a nih avangin smuggling tinasate kawng pawimawh tak a nih vang a ni. Nikum chhung ringawt pawh khan an state-ah hian tualthahna 1890 a thleng hial!
Ruang 11 lai hmuh thar a nih hnu hian Mexico president thar Claudia Sheinbaum chuan tharum thawhna thleng hmachhawn chu a ngaih pawimawh berte zinga mi a nih thu sawiin, an sipaite pawh a tul anga an thuam chak tur thu a sawi a, pawikhawihtute zawnchhuah chu an hna hmasa a nih tur thu a sawi bawk.