China tana enthlatu nia ngaiin US mi man
China tana enthlatu nia ngaiin US mi man
Germany Federal Prosecutor’s Office chuan ningani khan thuchhuah siamin, US khua leh tui nihna nei pakhat, Martin D. tia indah chu China tana enthlatu ni ngeia ngaiin an man thu a sawi.
An thuchhuaha an tarlan danin, an mi man hnen atang hian enthlak hna a thawk ngei a ni tih lanna hrang hrang an nei kim niin an sawi a, US khua leh tui nihna nei chunga China tana a thawk chu mak an tih thu an sawi.
Hun rei fe an chhui hnuah Framkfurt-ah an man thu sawiin, a tul angin a awmna leh a thil neih dang pawh an enfiah zui nghal mek thu an sawi bawk.
An sawi danin Martin D. hian US sipai nia insawiin Germany hi a pan a, mahse a khawsa zia leh a awm dan zawng zawng an enthlak hnuah China intelligence te hnenah zel report a pe thin ta niin an sawi a, rinhlelhloh har tak a nih tak thu an sawi.