China : Thuro nunnem nge, Ui thinrim kawlh tak ni zawk?

Kar kalta Inrinni khan Xi Jinping an Emmanuel Macron nena thingpui dawm duna Ukraine a remna leh muanna awm se a duhthu a sawi hnu lawkah Chinese jet fighter te chuan Chinese military turu zia pholan nan Taiwan Strait-ah an thlawk zui nghal a.
An tum ber chu Taiwan laka inlulin leh vau zam a ni a, French president-in Beijing a tlawh tuk lawkah sipai nunchan zirna turu tak a kalpui zui nghal thung.
Chutak chu China-in khawvel laka hmai hnih a lantirna tia sawi niin – kawng khatah thuro anga maia international peacemaker nih tumin, kawng lehlamah uiin a ram chin hauh nana a ngho chhuaha a rum ngul ngul angin a che thung.
Beijing hian a startegy hi a kalpui reng thei ang em? Diplomatic lamah chuan China chuan Covid avanga inlakpinna a neih hnuah hun khawhral a nei hauh lo. President Xi Jinping chuan Russia hotu Vladimir Putin tum tam a titipui tawh a, tunah pawh Brazil president a titipui leh dawn a, Europe lamah mi tirin Ukraine indona tihtawpna tur point 12 a kentir bawk.
Beijing chuan Saudi Arabia leh Iran inkar chhia siamthat tuma hma lain inremna a siampui thei a, China in diplomacy lama a hlawhtlinna turu ber pakhata sawi a ni hial a, Middle East a US policy nasa taka a hlawhchham laiin China chu a thu tial tial thung.
Chutih lai vek chuan Beijing chuan global security leh development lamah hma lain a hmaa Belt and Road initiative tia ram dang danga hmasawnna tur sum billion tel a thehchhuah anga a nawr angin ‘global south’ chu sawi berah a nei mek bawk a.
“Wold Warrior” rhetoric tia an sawisaka hmatheh bera a neih Zhao Lijian te pawh dawhtheihna nei lo zawka lang Wang Yi leh Qin Gang ten a thlak a, Xi chuan a envoys te chu khawi kipah ‘fighting spirit’ nena chet la turin a tur tia sawi a ni.
Diplomatic lama China-in nasa zawka chet a lak vaka khawvela chungnun a tumna hi ‘Chinese nation kaihthawh thar tumna’ tia sawisak niin hei ber hi China a nationalist tena an tuipui ber niin khawvelah Middle Kingdom chuan a lailum a luahtur a ni tih ngaihdan nei nghet bur an ni.
Xi hian thuneihna a chan tirh khan ‘Chinese Dream’ chu thupuiah nei bawkin a tum ber chu China chu tunlai khawvela thiltithei leh tunlai mila chet la nih tir tum a ni, tiin Zhang Xin, East China Normal University a politics and international relations a associate professor chuan a sawi a. Chinese way thehdarh ngawt ni lovin global economic ngelnghet zawka man chu a ken tel a ni a ti bawk.
“Xi hian chiang taka a hriat chu Chinese nation chu economy tha neih loh chuan tharthawh theih a ni lo tih a ni” tiin Neil Thomas, fellow in Chinese politics, Asia Society Policy Institute chuan a sawi.
“China chuan diplomatic influence a neih belh zel rualin hma a sawn zel a mamawh a. Khawthlang ramte hnawl theih an ni lo va, economic lama inzawmna tha la neihpui reng an ngai a, chumi tur chuan diplomacy tha ngaiin ‘Wolf Warrior’ kalpui zui zel thei chi a ni tawh lo” tiin a sawi bawk.
Tun hnaia Beijing-in nasa zawka diplomacy a kalpui vakna chhan pakhata ngaih chu Beijing chuan hualzimin a awmah a inngaih vang tia sawi a ni a. China hmalakna leh lian zel hlauhthawn avangin Khawthlang ram te chuan Aukus leh Quad te an din a, hengte hi China-in advanced technology a neihna tur danna a ni tel vek a. Xi ngei pawhin US kaihhruai khawthlang ramte chu China hual zima rahbeha a hmasawnna dal tumah a puh phah hial a ni.
Ukraine indona leh chutih kara Nato lian zel avang chuan Beijing chuan US chuan thian thiltithei tak tak a nei tih a man fiah zual, tiin Ian Chong, non-resident fellow, Carnegie China chuan a sawi a. “Hei vang tak hian Chinese te chuan nasa zawka hmalak tulah an ngai a ni,” a ti bawk a.
Chumi atan chuan China-in strategy a siamah ‘multi-polar world’ tiin chu chuan centre of power hmun hrang hrangah a nei tur a ni. Multi-polar world hi Beijing chuan ‘US hegemony’ aia duhthlan tura a chhawpchhuah a ni bawk. Chu tak chu Macron nena an inhmuhnaah pawh Xi chuan sawi lan berah neiin Europe chu ‘independent pole’ anga awm turin a nawr zui bawk.
Beijing-in thuneihna inbuktawk zawka siam a rawtna hian khawvel chu him zawkin a siam mai thei a, mahse, thenkhatte chuan ram hrang hrangte America kut ata chhuhsak a tumna zawkah an ngai thung.
China chuan US foreign policy chu Iraq leh Afghanistan-ah hlawhchham thakah sawiin China chu thisen kai ve lo ang leh khawvel kaihhruai tura tha tawkah a intawktarh thung a. China-in aupui a neih ber chu Communist China chuan eng ram mah a la run ve lo va, proxy war ah inhnamhnawihna a la nei ve ngai lo tih a ni.
Mahse, Tibet a luahlan lui a, Vietnam nen indona an nei bawk a. India nena ramri nasa taka bawhah puhin inbakkaihna a thleng hial a, South China Sea-ah ram dang dang te nen tuipui ram an inchuh bawk.
‘Global South’ tia sawiin ram te China emaw US nena inlaichinna thuk nei lem lote tan chuan China hmalakna chu pawmawm a ni thei a. China-in aupui bera a neih chu non-coercive mediation strategy a ni a, ram danga inrawlh miah lohna chu authoriatiran government te tan a eiawm mai thei. “Ram tam tak te chu democracy leh human rights lam hnawl an ni a, chungte tan chuan China chu global governance champion a ni thei,” tiin Dr. Thomas chuan a sawi.
Mahse, China an thlawp bur ngam ang em tih erawh a chiang lo va, tun hnaia UN-a Ukraine war chungchangah heng ram tam ber te hian China-in a hai chungin Russia demin vote an la thlak tlat thung. Chutih laiin US allies reng thin Europe te chuan China hmachhawn dan tur an ngaihtuah ve thung a.
Macron ruala China tlawh European Comission president Ursula von der Leyen chuan Xi chu khauh takin a chhang let nghal a. Mahse, Europe ram thenkhatte chuan China nena inzawmna langtlang zawk an duh tih a ni thung. Macron chu China-in lawm tak tein a lawm a, military parade te huaihawtsak a ni a, Xi ngei pawhin GUangzhou tlawhnaah kalpuiin thian tha bur angin an lantir a ni.
A hnu lawkah Macron ngei chuan Taiwan chungchangah Europe inrawlh a ngai lo tihawi zawngin sawi a nei zui ta reng a, ‘kan buaina ni lova inhnamhnawih loh tur’ a ti zui bawk. Macron thusawi chuan sel a hlawh hle thung a, US ally nih vangin a ‘chhiahhlawh’ kan ni tihna a ni lo a ti zui bawk a. Chiang taka thil awm chu Macron leh Xi inhmuhna chuan eng emaw rah chu a nei tih a chiang hle tia sawi a ni thung.
Europe chu US-China inbeihnaa ‘central battleground’ a ni mek tia sawi niin ‘swing state’ tena an thlawp zawk zawk an dingchang ang, tiin Dr Thomas chuan a sawi bawk.
Macron chu Europe leader zinga outlier ni mek niin a thusawi chuan Germany bikah phei chuan sel a hlawh nasa hle a, Germany chuan Taiwan chungchangah EU dinna tinghet turin Beijing ah a foreign minister a tirlut zui nghal hial a ni.
Europe-in United States nge China tia awn tur lamah duhthlanna a neih theih laiin Europe tan chuan US hnaih chu a tha zawk, tiin Dr Thomas chuan a sawi bawk.
Taiwan chungchang chu khawvel pum harsatna thlen nasa thei a ni bawk a. China chuan Taiwan a vau reng a, nikhat chu a tul a nih chuan mainland China nena inzawmna a awm theih nan chuan a run mai tur thu a sawi bawk a, run ni se chuan khawvelin a tuar nasa dawn tia sawiin Dr Chong chuan Taiwan chuan khawvela semiconductor 60% chu a siamchhuah a nih vang a ni a, khawvela lawng kawng lun ber awmna niin submarine telecommunication cables te Europe leh Asia te thlunzawmtu awmna hmun a ni bawk a ti.
Observer tam ber te chuan China chuan Taiwan a run duh em an ring lo thung a, mahse, innghirnghona turu zel chuan thil hlauhawm zawk thlegin China leh America, Taiwan-in run a tawha a chhan tur thu puangtu inkarah thil duhawm lo zawk a thlen hlauhna a lian em em thung.
Beijing chuan khawvel hneh tuma campaign a kalpui mek laiin a chet dan chu ngunthluk taka thlir rengin a awm tho bawk a. A tawpah chuan thuro nunnem nih nge ui thinrim nih a a thlan fel a ngai vat dawn tia sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More