Delhi CM Kejriwal nu leh pate thu zawtfiah

Delhi Chief Minister Arvind Kejriwal chuan a nu leh pa kum upa tawh tak te chu amah tihThuanawp tum nan thlurbingin an awm tia sawiin hetianga Prime Minister Narendra Modi chet la hian engkim a pel vek tiin a sawi.
Delhi CM leh AAP national convener ni bawk Kejriwal chuan Prime Minister Modi laka message a neih thu sawiin, “PM Modi hnenah ngenna leh message ka nei a ni. Ka MLA te i man a, ka kehchhe chuang lo. Ka minister i mana mahse in laka kun turin min ti thei chuang lo. Min man a, lung inah nghaisakin ka awm a ni” tiin a sawi a.
“Mahse, vawiinah chuan limit tin i pel ta. Ka tlawm theih nan ka nu leh pa tar chak tawh lo te i bitum leh a ni. Ka nu hian natna hrang hrang a nei mek a, March 21 a man ka nih khan damdawi in aTanga a chhuah ni chiah a ni. Ka pa hi kum 85 a upa a ni tawha a benghriatna a Tha lo bawk. Ka nu leh pate hian thiamlohna an nei em ni? Eng vangin gne ka nu leh pate i nghaisak? Pathianin a ngaidam lovang che” tiin Kejriwal chuan a sawi.
A hmain Delhi Police te chuan AAP Rajya Sabha member Swati Maliwal, May 31 a Chief Minister chenna in a kutthlak a tawk tih chungchangah Kejriwal nu leh pate chu thu zawhfiah atan an pan kher loh theih thu an sawi a. Mahse, Nilaini khan Kejriwal chuan police te chuan a nu leh pa chak lo tawh tak te chu a tukah thu zawhfiah an tum a ti a ni.
Swati Maliwal assault case-ah hian Kejriwal Thuihruai Bibhav Kumar chu manin a awm tawh a. Kejriwal chuan Maliwal puhna chu dik leh fel taka chhui ni se a duh thu a sawi bawk.