Low-cost carrier Go First te chuan National Company Law Tribunal-ah an tlakchhiat thu (bankruptcy) an thlen a, ni thum chhung May 3,4 leh 5 ah flight operation an titawp nghal vek bawk a, hei hi an hloh a san em vang niin a chhan an puh berah Pratt and Whitney engine an mamawh huna an neih theih loh avangin an aircraft zahve lawih an dintir vang an ti.
Directorate General of Civil Aviation (DGCA) chuan airline hnenah hian information pe hmasa si lova an flight an cancelled rup rup vangin insawifiah turin a ti a, flight an chhunzawm theih hun tur pawh sawi turin a ti nghal bwk a. Thuchhuah siamah airline te chuan NCLT tena an ngenna an pawm hnuah court chuan Insolvency resolution professional te ruatin Go First’s operation te an la chhunzawm ang a ti.
-- Advertisement --
Engine vanga buaina
“Pratt & Whitney’s engines hlawhchham avangin A320neo fleet 50% chu dintir an ni a, hei vang hian operation cost 100% hloh niin chu chuan GO FIRST te chu revenue leh additional expenses-ah hloh chu Rs 10,800 crore a ni. Hei bakah hian GO FIRST te chuan tun hnai kum hnih chhungin lessor hnenah Rs 5,657 crore pe in, heta tanga Rs 1,600 crore vel chu non-operation grounded aircraft lease rent atana sen a ni” tiin aircraft thuchhuah chuan a tarlang. An aircraft dintir chu kum 2019 khan 7% niin December 2020 a nih meuh chuan 31% a ni tawh a, December 2022 hnuah hian 50% dintirin an awm zui an ti bawk.
Tuna an dinhmun tur hi an hmuh lawk a ni tiin airline te chuan sawiin Pratt and Whitney tena April, 2023 hmaa engine 10 pek an hnawl leh December 2023 hmaa engine dang 10 pek Singapore International Arbitration Centre (SIAC) thupek anga an remti lo chu an tawrh phahna ber an ti a. Airline te chuan engine te hi an beisei hunah nei hman se chuan August emaw September 2023-ah chuan an pangngai vek hman ang an ti bawk.
Sum lama harsatna
Industry insiders te chuan airline-in sum lama harsatna a tawh laiin shareholder te chuan fund tam zawk an pe duh lo an ti bawk a. Airline te chuan promoters te chuan tun hnai kum thum chhungin Rs 3,200 crore investment tiin airline dintirh hnuah Rs 6,500 crore investment tih a ni tawh an ti a.
“Pratt & Whitney ten hmantlak spare leased engine a pe thei lo tawp a, emergency arbitrator’s ward duh dan angin spare leased engine dang pe turin hma a la lo bawk,” tiin thuchhuah chuan a tarlang a. Hei vang hian, “GO FISRT chuan sum lama a harsatnate a sukiang thei tawh lo” a ti zui bawk a ni. Hei bakah hian US leh international jurisdiction dangah te emergency petition chu Pratt and Whitney te lakah a kalpui bawk an ti bawk.
Airline chuan SIAC arbitration ah zangnadawmna Rs 8,000 crore phut nghalin an arbitration a hlawhtling a nih chuan creditor te hnena an leiba chu an rul thei ang an ti bawk a. Mahse, lessors thenkhatte chuan an aircraft thenkhatte chhuhsakna nei nghalin lettered of credit an lalet leh a, airline te chu aircraft tam zawk Go FIRST kut ata an chhuhsak ang an ti bawk a, chutiang a nih chuan arline-in operation a neih zui leh theihna tur chu a tihniam hle thung.
Ruahmanna dang siam ngai
DGCA thupek chuan airline te chu darkar 24 chhunga harsatna an sutkian theih dan tur hrilh turin thu a pe a, hei bakah hian flight an chhunzawm theih hun sawi turin a ti bawk.
Minister for Civil Aviation Jyotiraditya Scindia chuan airline te chuan alternate travel arrangement dang passenger tena harsatna an tawh lohna turin an siam tur a ni a ti.
Kum 2019 khan Jet Airways te chu an lo tlachhe tawh bawk a, insolvency proceeding kalpui mek niin tun thlengin Jet airlines te chuan an leiba te an la pe thei lo bawk.