C&I Minister-in border trade chungchang sawipui

Commerce & Industries minister F. Rodingliana chuan B. Shyam IFS, Joint Secretary, Ministry of External Affairs (Bangladesh and Myanmar changtu) chu Ningani khan a office chamber-ah a hmu a, Mizoram leh a \henawm ram Bangladesh leh Myanmar-te nena insumdawntawnna \ha zawka kalpui dan tur a sawipui.
B Shyam, Joint Secretary, MEA chuan, India sorkarin Myanmar ram chhung Paletwa thlenga power supply pek a, chumi hnuah Sittwe Port thleng a pek a duh thu F Rodingliana, power minister ni bawk chu hrilhin, Mizoram sorkar chu thawh dun puiah a sawm a. Power minister hian power deptt pawhin DPR te siama tihhlawhtlin an inhuam thu a lo hrilh a ni.
Mamit district-a Silsury khaw ep Bangladesh lama market a \hat avangin Silsury emaw a bul hnai remchang laia Integrated Check post emaw Land Custom Station sak vat a nih theih dan turte lo sawipui in, Kaladan Multi Modal Transport Transit Project (KMMTTP) hnathawh meka harsatna awmte leh heng harsatnate hi chinfel a nih theih dan turte a lo sawipui bawk a ni. Bangladesh nen lei dawha a inkalpawhna tur ruahman sa Integrated Check Post Kawrpuichhuah bula lei (bridge) siam tur chu Bangladesh lamin remtihna an pek vat theih nan leh hnathawh bul \an a nih vat theih nan sorkar laipuiah lo nawrpui turin minister hian a ngen bawk a ni.