Cindy Walker SHOF-ah lalut

Country hlaphuah lama legend an ti hial, Cindy Walker chu a thih hnuah Songwriters Hall of Fame (SHOF)-ah lakluh a ni ve ta. Cindy Walker hi cross-genre classic “You Don’t Know Me’ hlaphuahtu kha a ni.
SHOF gala hi June thlaah neih thin a ni a, hetah hi chuan mitthi tawh te an lalut tel ngai vak lo a, he gala hmalamah an lo lalut lawk tawh thin. SHOF hian June event hi chu hlimna boruak nena hman an duh zawk thin a, chuvangin thih hnua lakluh turte pual hian hun hran an rek deuh thin a ni.
Cindy Walker hi kum 87 mi niin, 2006 khan a thi a, 1970 khan Nashville Songwriters Hall of Fame-ah lakluh a lo ni taw a, 1997-ah Country Music Hall of Fame-ah lakluh niin, hmeichhe songwriter zinga he hall of fame-ah lakluh hmasak ber a ni. 2009 khan Cindy Walker hian Academy of Country Music atangin Poet’s Award a dawng tawh bawk.
Cindy Walker hlaphuah an record hmasak ber chu Bing Crosby record ‘LOne Star Trial’ a ni a, ‘King of Western Swing’ an tih mai Bob Wills hla record zinga 50 vel zet chu a phuah a ni bawk. Amah pawh hian hla record vein, 1944 khan ‘Wen My Blue Moon Turns to Gold Again’ chu Billboard Most Played Juke Box Folk Record-ah No.5 a kai ve tawh bawk a ni. A hlaphuah Billboard Hot Country Songs chat-a No.1 kai thei a nei nual a, chung zingah chuan Bob Wills sak, 1947 a tlangzarh ‘Sugar Moon,’ te, 1950-a Eddy Arnold sak ‘Take Me in Tour Arms and Hold Me,’ te, 1976-a Merle Haggard sak ‘Cherokee Maiden’ leh 1981-a Mickey Gilley sak “You Don’t Know Me,’ te pawh a tel.