Cinema hall lamah pawh ‘Showgirl’ a hit

Zirtawpni kalta atang khan North America-a cinema hall then khatah ‘The Official Release Party of a Showgirl’ an tichhuak a, Pathianni thleng khan cinema hall ticket hralhna atangin dollar maktaduai 30 chu la lut tling ngei turin an chhut. He film hi tun weekend kalta chhung chauh kha tihchhuah tur a ni.
A film-ah hian a studio album 12-na ‘The Life of a Showgirl’ a buaipui dan, behind-the-scene te tarlan a ni a, he album-a a hla ‘The Fate of Ophelia’ music video pawh a dah tel a, a premiere nan a hmang nghal a ni.
The Official Release Party of a Showgirl hi cinema hall 3,702-ah tihchhuah ani a, Swift team leh a distribution partner AMC Theatres chuan ticket hralhna atangin dollar maktaduai 32 vel chu la lut hman turin an chhut a, studio dang chuan maktaduai 35 pel turin an chhut ve thung.