City hmachhawn tura inbuatsaih Real chak
Getafe laka 1-0 hnehna changin Real Madrid chuan Barcelona kuta La Liga title lut tur la dang der der bawk mah se nizan result tarlan hman lohah Xavi Hernandez-a team-in mualneitu Espanyol an hneh chuan Catalan team hi an champion tho tho tawh ang.
Real Madrid hian karliamta Champions League semi-final first leg-ah 1-1-in an mikhual Manchester City an inhneh-tawkpui a, Nilaini zan hian second leg khelin Etihad Stadium an lut dawn a, Europe inkhel pawimawh atana inbuatsaihna leh Barca champion tur chelh-khawtlaina ni pahin Inrinni zanah league match an khel a, second half minute 70-a Marco Asensio goal khat tihluh hmangin an kawtkaiah point thum an thawkchhuak hram.
Santiago Bernabeu inkhelah Carlo Ancelotti chuan City an luhkhung tur hre rengin an match hnuhnung bera a starting line up a siksawi a, player pariat a thlak a, Vinicius Junior pawh bench atangin a lut chauh.
Team siksawi Madrid lamah hian bultantu zinga tel zen zen lo Eden Hazard pawh lut hmasa zingah telin, season kal lai league-a starting line up a luah vawihnihna chiah niin, Vinicius Junior bakah Toni Kroos leh Luka Modric-te paw’n bench atangin khelmual an lut.
Table-a 18-na luaha rele-gation zone-a tang mek Getafe tan khawh hian hun rei tak Real goal khung tur dangbet thei bawk mah se minute 20 la awmah Asensio an dang zo lo a; an khelmuala point thum an thawhchhuah leh nen Madrid club hian nizan result hriat hmain khelh li chiah awm tawhah point 11-in an chung chiaha hmahruaitu Barcelona an thlau a, nizan derby-ah Nou Camp team-in mualneitu Espanyol an hneh chuan Spa-nish giants kuta league title awm an chhuhsak fel tawh ang.
Inrinni La Liga inkhel dangah Real Sociedad leh an mikhual Girona 2-2-in an inhnehtawk a; an mikhual Almeria lakah 3-1-a Osasuna chakin, Villarreal chuan 5-1-in an mikhual Athletic Bilbao an sawp thung.
City hmachhawn tura inbuatsaih Real chak
Get real time updates directly on you device, subscribe now.
Prev Post