City in Gvardiol an la lut

Premier League champion Manchester City chuan defender thar an nei a. German club RB Leipzig a\angin Croatia defender Josko Gvardiol an la lut.
Manchester City hian Croatia centre-back Gvardiol manah 90m euros (£77m) zet an seng a, khawvela defender manto pahnihna a ni. Manchester United in kum 2019 khan Leicester City a\angin Harry Maguire chu £80m sengin an la lut a. Maguire hi defender manto ber a la ni reng. Defender manto ni bawk mah se United-ah a tlatlum tawh lo viau a, captain a\anga ban a nih hnuah hralhchhuahna tur an zawng mek bawk. City in manto taka an lak luh Josko Gvardiol erawh hi chu a la naupang a, khawvela defender \ha ber ber zinga chhiar tel a ni der tawh bawk nen a man phuin a inlan theih a beiseiawm.
City defender thar Josko Gvardiol hian kum 2021 khan Dinamo Zagreb a\angin German club hmasawn chak tak RB Leipzig a zawm a, Bundesliga-ah a hming a chher lian leh zual. Club tan a chet\hat ang bawkin Croatia tan pawh a che\ha viau bawk. World Cup 2022-ah khan Croatia player pawi-mawh a ni a, World Cup-ah pathumna an ni nghe nghe. World Cup-ah pathumna an nih bakah UEFA Nations League-ah Croatia hi final a hruai thleng leh bawk a. Final-ah Spain hneh lovin an vanduai thung.
Season liam taa treble champion City hian Chelsea a\angin Croatia midfielder Mateo Kova-cic an la lut tawh a. Kovacic an la lut hian Gvardiol an lak luhna kawngah rawngro a su thui hle. Gvardiol ngei pawhin ram tan a khelhpui Kovacic nen EPL club ropui City tan an khel dun thei tur chu phurawm a tih thu a sawi a. EPL a khelh chu a mangphan ram, a suangtuahna luah reng \hintu a nih thu a sawi tel bawk. Croatia tan vawi 24 khel tawh Gvardiol hian City-ah jersey no 24 a ha ang.