City in Kovacic la lut

Treble champion Manchester City chua midfielder thar an nei a. City hian Croatia mid-fielder Mateo Kovacic chu Chelsea atangin an la lut.
Manchester City hian kum 29 mi Kovacic manah £25m a seng a, a man hi £5m pek belh leh theih turin inremna an nei bawk. Midfieler tawnriat ngah Kovacic hi kum li daih contract an ziahpui a, nipui bazar 2023-a an player lak luh hmasak ber a ni. Treble champion an nih theih nana thawh-hlawk tak Ilkay Gun-dogan chuan Etihad Stadium chhuahsanin FA Barcelona a zawm tawh a. Kovacic hian Gun-dogan hmun ruak a luah khat tha viau tura ngaih a ni.
City midfielder thar Kovacic hian kum 2019 khan Real Madrid atang in Chelsea a zawm a, Chelsea player pawi-mawh a ni. Champions League-ah Blues an champion theih nan a thawhhlawk viau. Season liam ta khan Chelsea tan inelna hrang hrangah vawi 37 a khel, Chelsea hian 12-na daih ni chungin season an khar thung. Kovacic hian Croatia tan vawi 99 ngawt a khel tawh bawk. Player tha, tawn-hriat ngah tawh tak Kovacic an la thei hi City tan chuan Pheichham man tluk zet nihlawhna a ni.
Kovacic pawhin Treble champion ni hial thei City a zawm chu ropui a tih thu a sawi a, bul tan vat vat a chak tawh thu a sawi tel bawk. “City hi player zawng zawngten an zawm chak tur team tha an ni a, treble champion hial an ni thei hian team ropui an nihna hi a nemnghet. Pep Guardiola hnuaia ka khel thei tur hi ka phur em em a, player tha zawkah min chhuah ngei ang tih ka chiang. City zawm tura thutlukna siam hi thu-tlukna siam awlsam tak a ni” tiin a club thar chung-chang a sawi bawk