London hmar veng club lian Tottenham Hotspurs chuan si nghak thar a nei a, Empoli si nghak Guglielmo Vicario chu kum nga daih contract ziahpuiin an la lut.
Tottenham captain leh an si nghak duh thlan Hugo Lloris chuan kum khat daih chiah contract a nei tawh. Hei vang hian Spurs hian Lloris thlaktu tur an zawng a, Empoli si nghak Vicaro hi an la lut zui ta a ni. Vicaro hi nipui bazar inhawn hnua an player lak luh pahnihna a ni a, season liam taah loan-a an hawh Sweden midfielder Dejan Kulusevski chu a nghetin an la fel tawh.
Spurs si nghak thar Vicaro hian season liam ta khan Serie A-ah vawi 31 a khel a, goal 39 a chhuah. Clean sheet vawi saarih neiin, Empoli hi 12-na a nihpui. Empoli tan a khelh that theih em vangin Italy tan khel tura koh a ni a, Italy tan hian bul a la tan lo thung.
Tottenham hian manager Ange Postecoglou hnuaiah hmasawn tumin tan an khawh mek a. Season tharah champion beisei ngam turin inthuam chak thar an tum. Hetihlai hian an captain Harry Kane chuan club dang a pan hmel viau thung. An club chanchina goal thun hnem ber Harry Kane a chhuak a nih chuan Totten-ham squad a pawn phah hle ngei dawn. Kane hi German champion Bayern Munich in lak an duh a, an hel mek. Spurs hian EPL-a an elpui lian lakah hralh an tuh loh vangin England captain hian ram dang a pan a rinawm.
Tottenham si nghak thar GuglielmoVicario
Get real time updates directly on you device, subscribe now.
Prev Post
Next Post