Closing balance vbch. 1093

Closing balance vbch. 1093
Sawrkar kum tawp atangin kum tharah cheng vaibelchhe 1093 an luhpui thei tih chief minister Lalduhoma chuan a sawi.
Finance changtu chief minister chuan sawrkar kum a thar a, sawrkarin balance a neih zat sawi a ni thin a, hun kal tawhah April 1-a Reserve Bank of India-a kan state sum dinhmun a chhuanawm loh thin hle tih a sawi.
ZPM a sawrkar hnu ah theihtawpin tan an la a, an sawrkar tuk atangin over draft an chhawm a, treasury khar mai thei dinhmunah an din laiin Pathian zarah hmasawn lam an pan zel chu thil lawmawm tak a ni, tiin, “2024 April 1 khan vaibelchhe 520 balance kan nei a, kumin April 1-ah vaibelchhe 1093 balance kan nei chho leh thei hi, kan sum dinhmun hian hma a sawn zel tih hairual a ni lo,” a ti.
Kum khat leh thla 4 an sawrkar chhung hian, an MLA zingah corruption avanga hminghliau an la awm miah lo chu Pathian hruaina a ni tih Lalduhoma hian sawiin, “Kan official ho zingah pawh chutiang chu kan la nei miah loa, hei hi kalphung thar chu a ni. Mimal nunah Pathian ram lo thleng zel se, chhungkua leh khawtlangah nen, kan ram hian hmasawnna tak tak kan dai chho zel dawn a ni. Development a pawimawh em em rualin, moral reform hi sawrkarin kan ngaipawimawh hle a ni,” a ti.