Club DJ-ing rei record siam

Iatlian DJ Faber Moreira, a hming tak Fabrizo Morero chu ni 10 chhung chawl lovin a DJ hna a thawk char char a, Guinness World Record-in club DJ-ing marathon rei berah a puang. A hmaa hetiang record chu darkar 44-in a rawn khum a, record hmasa zawk siamtu hi Polish DJ Norberto Loco niin, record hi kum 10 liamtaa Dublin-a a siam a ni.
DJ Faber, kum 59, hian May ni 15 khan Saluzzo khuaah record hi siam tumin a bei tan a, May ni 26 zingkarah a tawpsan ta a ni. Heti ian darkar 244 leh minute 2 chhung a DJ char char mai tihna a nih chu.
Guinness inkaihhruainaah chuan darkar khatah minute 5 zel chawlh a nei thei a, a chawlh neih hi a khawl thei bawk. Tichuan nikhatah chawlh darkar 2 zel nei ang a ni. He darkar khata minute 5 zel chawlh a neih hi ei leh in, inthiar leh mutthluk leh intihfai vel nan a hmang thei bawk.
DJ Faber chuan a tir lam ni li vel chhung chu harsa vak loin a tih theih mai niin a sawi a, mahse, a ni ngana vel atangin a mut kham lo chuan a thing let tan a, a tawp lam ni hnih phei chu men luih a harsa tawh hle niin a sawi a, “Ka mixer-ah khan ka lo muthlu lek lek thin, mahse, ka supporter ten ka muthlu dawn ni a an hriat veleh min tiharh nan thawm an lo nei thin,” a ti.