“CM hi hnam movement kengchhuaktu”

“CM hi hnam movement kengchhuaktu”
MNF president, chief minister ni lai Pu Zoramthanga chu hnam movement kengchhuaktu a ni tih MNF hruaitu F Aithanga chuan a sawi.
Thawhtannia an party office-a inkhawmah MNF Political Affairs Committee member F.Aithanga chuan he thu hi a sawi a. Pu Zoramthanga chu hnam movement kengchhuaktu, Pathian tih mi a nih avangin Pathian pawhin a hmang nasa a, hnam boral mai a phal loa, hnam zalenna sualtu hnam movement keng tlattute pawh hi mipuiin kan hriat a tul tih a sawi a ni.
Zoramah political party hrang hrang a ding tawh a, heng party hrang hrangah hian MNF tih loh chu nihna inchuhin an talbuai mek tih a sawi a. MNF erawh Zoram khaichhuaktu leh sulsutu pawimawh tak chelh a nih avangin a tlu chhe mai mai dawn lo a, Pathian hruaina hmanga zalenna hruaitu dik tak a ni, tiin a sawi bawk.
“MNF vangin Zoram atanga state inkalpawhna kawng zawng zawng a tlang vek a, MNF avangin khualkhua atangin kan inkalpawh zung zung thei tawh. Tun MNF sawrkar pawh a sawrkar chhungin Covid-in min tibuai mah se, kan manifesto zawng zawng kan tihlawhtling deuh vek tawh a ni,” F Aithanga hian a ti.