Kan party hi a la nung reng
– PC vice president
Election Commission of India (ECI) in People’s Conference party recognition hlihsak mah se, hnawl tihna niloin, party nung an la ni tih an party vice president Lalrinmawii Fanai chuan a sawi.
PC party-in an policy inziahna pamphlet chu Thawhtanni khan Aizawlah an sem chhunzawm a. Hemi hmaa inkhawm neihah Lalrinmawii Fanai chuan ECI-in PC party recognition a hlihsak avangin political party thi tawh leh hnawl tawh tihna a ni loa, ECI recognition qualify tura MLA beisei zat an la neih chiah loh vang chauh a ni, tiin, “Kan party registration a la nung reng a, tunah hian PC hi All India-a political party pakhat zinga ECI registration nei leh a pawm party la nung a ni,” a ti.
An party policy ziahna pamphlet an sem mekah hian Mizoram budget dinhmun leh dan siamsa leh dan siam mai theih leh kan ram dinhmun mila thiltih tak tak theih ngei chauh an ziak tih a sawi a. PC party policy leh programme chu kan ram tluchhe mek tundin na’n a tha tawk a. Tihhlawhtlin puiah Zoram mipui an sawm tih a sawi a ni.
May 1 – International Labours Day denchhenin Zorama kuthnathawktute chibai a buk tih PC vice president hian a sawi a. An party policy-ah kuthnathawka eizawngte hamthatna leh hlawhtlinna tak tak tur, industrial policy an duang tih a sawi.
Kan party hi a la nung reng
Get real time updates directly on you device, subscribe now.
Prev Post