Mizoram chief minister Zoramthanga chu New Delhi-ah a cham mek a, Pathianni khan Parliament building thar hawnnaah a tel a. Sawrkar laipui hotute a dawr nghal bawk.
Pathiannia Parliament in thar a hawnna a tel hnu hian Prime minister Narendra Modi, Union Finance minister Nirmala Sitharaman leh Minister of State for DoNER BL Verma te a hmu zui a. Thawhtanni khan Union Minister for Road Transports & Highways Nitin Gadkari a hmu bawk.
Chief minister hian Prime minister leh Union minister te hnenah hian Mizoram mamawh hrang hrang a thlen a. May 27-a 2023 a NITI Aayog Governing Council thukhawm a thu a lo thlen tawh te, sawrkar laipuia Mizorama hmasawnna hna thawhna tur project thehluh hrang hrangte a bawhzui a ni.
Union MoS BL Verma hnenah hian Mizoram tihhmasawn belhna tur a thlen a. State hmasawnnna hna thawh mek chungchangah chak zawka thawh a nih theih dan tur leh thil pawimawh dang an sawi dun tih chief minister hian a sawi.
CM-in centre hotute a dawr Parliament in thar hawnah tel
Get real time updates directly on you device, subscribe now.
Next Post