CM-in plastic sawngbawlna tur sak zawh thuai a duh

Aizawl Municipal Corporation hnuaia Luangmual Industrial Growth Centre-a Plastic Waste Management Centre sak mek chu Thawhtanni khan chief minister Lalduhoma’n a tlawh.
Waste management centre sak mek chinchang kimchang a hnena ziaka thlen turin thawktute a chah a. Plastic bawlhhlawh kan ngah zel a, a chinralna lam mumal neih thuai kan mamawh avangin tha taka sak puitlin thuai a tul tih a sawi.
Chief minister hi AMC joint municipal commissioner Lalremruata Kullai leh a thawhpuiten an lo dawngsawng a ni.