CM-in Union minister leh Assam Rifle hotu a kawm

CM-in Union minister leh Assam Rifle hotu a kawm
New Delhi-a cham mek chief minister Lalduhoma chuan sawrkar laipui hotute a dawr.
Nilaini khan Union minister of Road Transport & Highways Nitin Gadkari hmu in, Mizorama national highway kawngpui hmasawnna tur an sawidun. Mizorama national highway awm mek chungchang sawiin, NH km.572-a sei chuan hmasawnna lian tak a thlen theihna tur leh kawngpui bula chengten eizawnna tha tak an hmuh theihna’n hmalakna tur an sawi a ni.
Nilaini vek khan Union Commerce & Industries minister Piyush Goyal hmu in, ramdang nena insumdawn tawnna leh hmarchhak bialin a chhawr tangkai tur hmasawnna hrang hrang an sawidun.
Thawhlehni zan khan chief minister hian Assam Rifles director general Lt.Gen. Vikas Lakhera hmu in Mizorama venhimna chungchanga hmalakna tur an sawidun a. Tunhnaia minister F Rodingliana leh Assam Rifles checkpost duty inkara thil thleng chungchang pawh an sawi tel nia hriat a ni.