CM thusawiah ZORO lawm

Zo Re-Unification Organisation (ZORO) chuan Mizoram chief minister Pu Lalduhoma chu tunhnaia USA-a a zinnaah Zofate tana thu tha tak leh chhinchhiah tlak tak tak, Zofate inlungrualna tur leh insuihkhawm theihna tur thu thahnemngai taka a sawi avangin lawmthu an hrilh.
ZORO thuchhuak chuan, ramri hung chungchanga Mizoram CM a nih anga Pu Lalduhoma’n Zofate hma hun thlir chunga nghet taka a dinna thu a sawi avangin a chungah a lawm hle tih a sawi.
ZORO chu a dinna ngaiah a ding reng a, tharum thawhna telloa dikna chanvo kan chan theihna turin ‘Chin Lushai Conference 1892 Thurolum No.1’ dungzui leh United Nation Declaration on the Rights of indigenous People (UNDRIP) 2007 sawi angin, India, Bangladesh leh Myanmar sawrkar awpna hnuaia awm mek Zofate rorelna pakhat hnuaia awm turin hma a la zel dawn tih a sawi bawk.