CM zingah Mamata Banerjee rethei ber

India rama Chief Minister ni mek 30 zinga sawm hnih pakua te chu crorepatis vek niin Andra Pradesh Chief Minister Jagan Mohan Reddy chu hausa berin Rs 150 crore vel nei anga chhutsak niin Association for Democratic Reforms (ADR tena poll affidavits an zirchian atangin tarlan a ni.
West Bengal Chief Minister Mamata Banerjee chu rethei berin total assets neih hlut lam chu Rs 15 lakh vel a ni thung tiin ADR te chuan an tarlang bawk a.
ADR leh National Election Watch (NEW) te chuan States leh Union Territory a Chief Mnister ni mek 30 te chu an poll affidavit atanga chhuichianna an neih thu an sawi a.
State Chief Minister 28 leh Union Territory pahnih – Delhi leh Puducherry te chuan Chief Minister an nei a. Union Territory of Jammu and Kashmir chuan tun dinhmunah Chief Minister a nei lo thung.
CM zirchian 30 atanga 29 (97%) te neih sum chawhrualin CM tin te hian Rs 33.96 crore zel nei ang an ni tiin ADR chuan a tarlang a.
CM 30 zinga 13 (43%) te chuan criminal case turu tak neiin chung zingah chuan tualthah, tualthah tum, mi rukbo leh midangte vau chungchangte pawh a tel a.
Heng criminal case te hi bail theih loh leh thiam loh chantira kum nga tal lung in tan theihna vek a ni tiin report chuan a tarlang bawk.
Chief Minister zinga sum ngah zual zingah Andra Pradesh CM Jagan Mohan Reddy chuan Rs 510 crore chuang a nei a, Arunachal Pradesh CM Pema Khandu chuan Rs 163 crore chuang neiin Odisha CM Naveen Pattnaik chuan Rs 63 crore chuan a nei niin ADR te chuan an sawi a.
CM zinga hausa lo ber ber te chu – West Bengal CM Mamata Banerjee chuan Rs 15 lakh vel a nei a, Kerala CM Pinarayi Vijayan an Rs 1 crore vel leh Haryana CM Manohar Lal chuan Rs 1 crore vel a nei niin ADR te chuan an sawi bawk a.
Bihar Chief Minister Nitish Kumar leh Delhi CM Arvind Kejriwal te chuan Rs 3 crore vel ve ve an nei niin report chuan a tarlang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More