Coffee in chak ber record siam

Coffee i in thin em? No khat hi second engzat chhungin nge i tlak theih? Frankfurt, Germany a cheng Felix von Meibom chuan second 3.12 chhungin coffee no khat a tlak pawp thei a, Guinness World Record-in khawvela coffee no khat in zo rang thei berah an puang.
Felix hian black coffee a in a, a no hman pawh hin coffee mug pangngai niin, no tê reuh tê a ni chuang lo. A coffee in tur chu dawhkanah inchhawpin, stopwatch a inchhawp bawk a, tichuan coffee no khat chu a thawk khat ta pawp mai a, second 3.12 chhungin a lem vek man a ni.
A hmaa hetiang record chu nikum September ni 5-a midangin an siam niin, record hmasa aiin Felix hian second 0.05-in a in zo hma hret a, record thar a siam ta a ni. Felix-a record hi i khum thei em? Han ti ve chhin teh!