Commerce & Industries-a hna lak tum cancel leh chhan zawt

Commerce & Industries-a hna lak tum cancel leh chhan zawt
Commerce & Industries Department hnuaia officer hna lak tur cancel leh a nih chhan chu Mizo Students’ Union-in a changtu minister an zawt.
MSU Gen. Hqrs. hruaitute chuan Commerce & Industries minister F Rodingliana an hmu a. An department hnuaia promotion officer (Industrial department) post 4 ruak hnawhkhahna tur advertisement 5.08.2025, 2025 August 5-a tihchhuah tawh cancel leh a nih chhan an zawtfiah a. He hna lak tur hi cancel hlen a nih lohnan leh post ruak hi a rang thei ang bera hnawhkhah a nih theihnan an ngen nghal tih an sawi.
Minister chuan MSU hruaitute thu thlen hi bawhzuiin, exam syllabus siamthat ngai leh a hna ruangam tih danglam ngai a awm avanga cancel a ni tih a sawi a. A rang thei ang bera advertisement chhuah leh a nih theihnan hmalak a ni dawn tih a lo hrilh a ni.