Congress-ah ka nghet: Zodintluanga Ralte
Thorang bialtu MLA, tun hnaia MPCC treasurer a nihna atanga ban dilna thehluttu Zodintluanga Ralte chuan Congress party a chhuahsan loh thu leh chhuahsan tumna a neih loh thu a sawi.
“Thu vir vel a tam a, ZPM-a lut anga min sawi te, luh tum anga min sawi te an awm a. Heng hi a dik lo a, Congress-ah ka nghet,” tiin The Aizawl Post a hrilh.
“Tu party mahin min sawm lo a, tu party mah ka be bawk lo a. Congress atanga chhuah tumna ka nei lo,” a ti bawk.
Banna a thehluh hnu-ah pawh Congress party-ah rinawm takin a awm a, party tan theihtawp a chhuah tih a sawi a, West Phaileng-ah pawh Congress party-ah mi thar a lawmlut tih a sawi.
Zodintluanga hi a bial Lungsen-ah tun karah volley ball inelna MLA Cup hmanpuiin a kal a, hei pawh hi ruahman sa a nih thu leh nikumah pawh an lo khelh tawh thu a sawi.
Congress-ah ka nghet: Zodintluanga Ralte
Get real time updates directly on you device, subscribe now.
Prev Post
Next Post