Congress hruaitu intawhkhawmah tel

Congress hruaitu intawhkhawmah tel
April 8 & 9 khan Ahmedabad Gujarat-ah All India Congress Committee (AICC) intawhkhawm neih a ni a. Mizoram atangin MPCC president Lal Thanzara, treasurer Dr Lalmalsawma Nghaka, adviser leh All India Adivasi Congress Committee member Zodintluanga bakah AICC member hruaitu dangte an tel.
AICC intawhkhawm thupui ber chu ‘Nyay Path’ – ‘Path of Justice’ (Dikna kalkawng) tih a ni a. India rama hnam hnuaihnug zawk, mirethei, tribal leh sakhaw tenau zawkte huap hmasawnna thupui a ni.
Gujarat hi nakuma inthlang tur an nih avang leh India ram hruaitu ropui – Mahatma Gandhi leh Sardar Vallabbhai Patel te pianna hmun a nih avangin Congress party chuan he state atang hian kum 2027 Gujarat inthlanpuia chak turin thapui a thawh tan a. Grassroot politic kalpuiin, Gujarat mipui pawhin Congress party-ah rinna an nghat tan niin MPCC thuchhuah chuan a sawi.
Prime minister Narendra Modi chhuahna state Gujarat-ah Congress party-in hnehna an chan ngei beisei a ni, tiin, 2029 Lok Sabha inthlan atan inbuaitsaihna bul tannan grassroot politics pawimawhna inhrilh a ni tih a sawi bawk.
Thusawitu hrang hrangin Narendra Modi hun a liam tan thu leh an inbeisei anga BJP-in 2024 Lok Sabha inthlanpuia hnehna an chan theih loh dan, BJP rorel danin India ram inpumkhatna a tihchhiat mek dan, Hindu kulmukten hnam tlem zawk leh sakhaw tenau zawk an ngaihtheih loh tulh tulh thu leh, India ram chu ram nuam taka siam duh chuan BJP rorelna paihthlak a tul a, chumi tithei tur chuan Congress party tihchak a ngaih thu sawi a ni. MPCC thuchhuah chuan a ti bawk.